FRITT PÅ FJELLET                                    
Tekst Ivar O. Eide   -  Melodi: Eilif  Guldbrandsen

Fritt på fjellet mellom dalom,  finn du Folldal heimen vår
Her har bygt og bur på gardom, hardført folk i tronge kår
Høgt ligg bygda kald og berr, verhard og men lell så kjær

Oppi bakkom husa gråe,  fedrann braut med staur og grev.
Jorda skrinn og bruka småe, litor løn og mykje strev.
Kornet fraus til kvart eit år, Magert fe vart slept kvar vår

Her er malm fra mørke fjellet, brote fram i hundre- år
Buande og berg-geselle, møtte her dei same kår
Først da fossen stemde i, kom ei ny og betre tid

Såg du hit når vinter frøste, - hø og himmel stod i kok
Men når gull i tindom gløste,  blank og blekstill vidda log.
Roglut røy og rjupe kvit, lokka oss på skiom hit

Sjå Sjohetta kledd i linet, - bleike brur på Dovrefjell.
Rondann blåare enn hine, ris mot sky i sol og svell
Våren kjem med seterliv, sau og geit i høom kliv.

Her er villrein innpå høgdom, aure fin i tjønn og sjø
Oppi viggom og i sløgdom, myrbærtuvunn brenn som glør
Attmed bekk med skrale bru, står ei værgrå måsåbu

Støtt eg ber deg i mitt minne, kjære bygd bak blåe fjell
Kvar eg ferdast vil eg finne, heim åt deg og hugleg stell
Minnet gøymde kvar eg for, Dale’n og heimen, far og mor